Tơ̆ jơ pơm lêh, Anih pơgơ̆r hơpăh 2 yaih A; 4 yaih B; 6 yaih C păng 10 yaih pơčhơp jơhngâm ăn dôm bơngai chih, grŭp chih. Anih pơgơ̆r kŭm hơlen năng, rơih iŏk 34 ƀai chih ‘lơ̆ng, rơgei hlŏh, gơih ăn Tơdrong thi chih hla ar tơroi lơ̆m teh đak găh tơiung pơjing Đảng (Yaih Búa Liềm vàng) ‘măng mă IX, sơnăm 2024. ‘Nâu jĭ dôm ƀai chih tôch hơiă lơ̆m kơsô̆ 210 ƀai chih đei rơih.

Tơdrong thi sơnăm ‘nâu chih hơdăh dôm tơdrong tơgop ‘lơ̆ng vă roi tơbăt rim tơdrong găh tơiung pơjing Đảng, mă loi jĭ găh tơdrong tơiung pơjing, hơmet ming Đảng, vei lăng đon tơchĕng, tơblăh tang găn tơdrong xa pơgâm, pơjĭp, pơm glăi. Kăl hlŏh jĭ, roi tơbăt tôch rơđăh, pơm lăp đon tơpôl. Lơ̆m jơ pơm lêh mơ̆n, yă Huỳnh Thị Chiến Hòa, Phó Bí thư chĕp kơ̆l Đảng dêh char, Kơdră Jơnŭm pơgơ̆r kon pơlei dêh char Đắk Lắk hlôi tơlĕch tơdrong thi Chih hla ar tơroi găh tơiung pơjing Đảng dêh char Đắk Lắk ‘măng mă VII, sơnăm 2025.