Tơdrong pơlong trư̆k twê̆n Hơlen băt găh hơmet pơ-'lŏng hanh chĭn dêh char Đăk Lăk xơnăm 2022 đei pơgơ̆r đơ̆ng năr 15/11 truh năr 30/11/2022, hơvơn 17.700 'nu bơngai vang akŏm. Jơnŭm pơgơ̆r hlôi pôk 1 hơpăh ăn khul jang đei lơ bơngai jang vang akŏm pơlong lơ hloh păng 26 hơpăh ăn tơ 'ngla bơngai pơlong đei nơ̆r tơl trŏ lơ hloh, đei jơ 'năr pơlong tenh hloh.

Kiơ̆ Anih vei lăng kon pơlei dêh char Đăk Lăk, tơdrong pơlong ưh adrô̆ tơgop hơtŏk pran tơdrong tơroi tơbăt hơmet pơ-'lơ̆ng hăn chĭn mă oei tơroi tơbăt kăp gĭt noh jing “Vă pơjing jơnŭm pơgơ̆r dêh char Đăk Lăk 'nao rơgei 'măn pơm jang ăn Kon pơlei, rim kang ƀô̆, bơngai jang athei hŏk pơhrăm hơtŏk tơdrong juăt jang, đon bơnôh pơm jang”; Iŏk kon pơlei pơm tơm, iŏk tơdrong hơ-iă kơ kon pơlei pơm 'long pơkă xơkơ̆t tơdrong 'lơ̆ng lơ̆m jơnŭm pơm jang hanh chĭn kơ teh đak.