Tơdrong pơjing 5 Grŭp bơ̆jang tơƀôh đon pơ hnŏng tơplih ‘nao trong jang chĕp kơ̆l đơ̆ng dêh char Đắk Lắk kiơ̆ trong hơdai tơring, ăn bơngai chĕp kơ̆l năm truh tơ̆ hơnih vă kơtă pơgơ̆r, hơmet pơ ‘lơ̆ng mơmat tat. Ƀok Lương Nguyễn Minh Triết, Bí thư Anih jang Đảng dêh char Đắk Lắk tơbăt, iŏk pơ ‘ngoăih teh ‘noh jĭ tơdrong tơm, tơchơ̆t tơdrong tơlĕch jang dôm tơdrong jang tơm păng tơdrong bơ̆jang kiơ̆ hơgăt jang tŏk mŭk drăm 2 kơsô̆ kơ dêh char.

Tơpă yan âu ăn ƀôh, tơdrong jang hơyơ hiơ̆ kơ iŏk teh ‘noh tơdrong jang ‘noh hiơ̆ kơ tơlĕch jang, jên tơmơ̆t jang đei tơhlăk, tơdrong hiôk hơtŏk tơiung đei hŭt lê̆. Kiơ̆ kơ Bí thư Anih jang Đảng dêh char Đắk Lắk, tơring dang ei đei 265 tơdrong jang tŏk bŏk tơƀơ̆p mơmat tat găh iŏk pơ ‘ngoăih teh. Tơdrong pơjing 5 Grŭp bơ̆jang âu vă akŏm hơmet pơ ‘lơ̆ng tơhlăk tơhlĭn tơ̆ 102 xăh, phường lơ̆m dêh char.