Đắk Lắk pơjing Khul tơlĕch trong tĕch mơdro păng tơmât jên jang
Thứ sáu, 10:31, 26/06/2026
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV.Bahnar – Kơsơ̆ brei 25/6, tơ̆ phường Tuy Hoà, Khul tơlĕch trong tĕch mơdro păng tơmât jên jang dêh char Đắk Lắk đei pơjing, tơbăt 1 hơyak tŏk gĭt kăl lơ̆m tơdrong tơguăt khul bơngai tĕch mơdro, bơngai tơmât jên jang păng dôm anih jang hơdoi lơ̆m păng ‘ngoăih kơ teh đak, vang tơgop pơm hơtŏk tơdrong tĕch mơdro, tơmat jên jang păng atŏk tơiung mŭk drăm kơjăp ‘lơ̆ng ăn dêh char.
Khul tơlĕch trong tĕch mơdro păng tơmât jên jang kơ dêh char Đắk Lắk jăl jang đơ̆ng 2026 – 2031 đei 232 ‘nu bơngai jang ‘nŏh jĭ bơngai chĕp kơ̆l dôm anih tĕch mơdro, jang xa găh lơ tơdrong nhen pơm hơmet tơmam đơ̆ng choh jang xa đei, tơ̆r 'long, ka hơdang; logistics; chă tơmang lăng, pơvih pơvăn; kơmăy kơmŏk tơroi tơbăt; kơmăy pơm tơlĕch unh điên; anih jang kơmăy; tanh, chơ choh hơbăn ao; pơm kơƀang tang dŏ; pơm phŏng. Đơ̆ng rŏng kơ lêh roi tơbăt, Khul pơgơ̆r Hop akŏm 'măng mă I. Ƀok Trần Quốc Hà, Kơdră chĕp kơ̆l Công ty TNHH Việt Thắng, đei pôk pơm Kơdră vei lăng Khul.
Viết bình luận