Tơ̆ hop akŏm, Jơnŭm pơgơ̆r kon pơlei dêh char Đắk Lắk hlôi asong pơdơ̆h pơm Phŏ Kơdră Anih vei lăng kon pơlei dêh char hăm ƀok Võ Văn Cảnh; păng tăh kơ phĭu pôk hơtŏk pơm Phŏ kơdră Jơnŭm pơgơơ̆r kon pơlei dêh char jăl X, đơ̆ng 2021 - 2026 hăm ƀok Võ Văn Cảnh, Kơdră jang lơ̆m Anih chĕp kơ̆l đảng dêh char, Phŏ Kơdră Anih vei lăng kon pơlei dêh char adrol ki. Ƀok Võ Văn Cảnh iŏk đei 100% kơphĭu tơgŭm. Ƀok Võ Văn Cảnh rơnĕh sơnăm 1966, pơlei tơ̆ xăh Bình Giang, apŭng Thăng Bình, dêh char Quảng Nam; hŏk lý luận chính trị cử nhân; păng cử nhân luật.

Tơ̆ hop akŏm âu mơ̆n, bơngai tang măt oei tăh kơphĭu pôk hơtŏk kơchư̆k Phŏ Kơdră Anih vei lăng kon pơlei dêh char Đắk Lắk jăl X, đơ̆ng 2021 - 2026 hăm ƀok Trương Công Thái, Kơdră jang lơ̆m Anih chĕp kơ̆l Đảng dêh char, Bí thư Đảng Grŭp dôm anih jang kơ teh đak păng anih tĕch mơdro kơ dêh char. Ƀok Trương Công Thái iŏk đei 100% kơphĭu tơgŭm. Ƀok Trương Công Thái rơnĕh sơnăm 1969, pơlei tơ̆ dêh char Quảng Bình; đei hŏk lý luận chính trị cao cấp; hŏk cử nhân kinh tế, thạc sĩ kinh tế.