‘Măng pơlong Drŏ ăn tơring choh jang sa pơjjing tơdrong jang tơplih ‘nao, tơchăr hơgei ‘noh jing tơdrong jang lơ̆m Tơdrong vă jang “Tơgŭm djru drŏ kăn pơjing tơdrong jang” sơnăm 2025 kơ yuơ Khul đe drŏ kăn dêh char Dak Lăk tơlĕch jang đơ̆ng năr blŭng khei 9 sơnăm ou, hơvơn đei mơjĭt tơdrong vă jang kơ rim khul, hơnih mơdro sa, hơp tak xah, khul jang hơdoi păng rim đe drŏ kăn lơ̆m dêh char vang iung jang. Kiơ̆ hơlen đơ̆ng Khul chĕp pơgơ̆r, rim tơdrong jang đei tơlĕch jang kiơ̆ ƀlep trong tơlĕch ăn, tơƀôh hơdăh jơhngơ̆m đon tơchăr păng hơpơi ‘meh vă pơjing tơdrong jang đơ̆ng đe drŏ kăn tơring choh jang sa. Hloh đơ̆ng ‘măng hơlen blŭng a, Hơnih chĕp pơgơ̆r hlôi rơih 18 tơdrong vă jang ‘lơ̆ng hơ iă hloh mơ̆t pơlong ‘măng hơtuch. Tơ̆ ou, rim bơngai pơlong pơma tơbăt hloi dôm trong vă jang, tơƀôh hơdăh trong tơplih ‘nao tơchăr, kĕ pơm tơlĕch tĕch mơdro, tơdrong kĕ tŏk tơ iung, adoi nhen đei ƀơm truh ‘lơ̆ng hơ iă kơ mŭk drăm, tơpôl kơ tơdrong vă jang.