VOV4.Bahnar - Đei ƀơm truh ‘măng kŏh pơrăm 100 ha bri tơ̆ apŭng Lăk, Dơnŏ anĭh vei lăng Chŏh jang sa păng Atŏk tơ iung tơring tơrang dêh char Dak Lăk hlôi chĭh pơtrŭh hla bơar athei Dơnŏ anih Vei lăng bri tĕnh koăng pơm hla bơar xek tơlang, pơm hơdăh hơnăp jang kơ tơpôl, rim bơngai pơm glăi.

Lăp đơ̆ng rŏng ‘măng kŏh pơrăm vă jê̆ 400 ha bri tơ̆ tơring Ia Tơmôt, apŭng Ea Sŭp, dơnŏ anĭh bơ̆ jang dêh char Dak Lăk hơnơ̆ng tơroi tơbăt rim ‘măng pơm glăi anai, tơ̆ rim tơring: Ia R’vê, Ia Lốp (jei găh apŭng Ea Súp), tơring Dak Phơi păng Krông Nô, apŭng Lăk. Lơ̆m hơgăt tĕh bri đe kŏh pơrăm, đei 25ha bri vei rong tu đak. Ƀok Nguyễn Quốc Hưng-Kơdră chĕp pơgơ̆r Hơnĭh jang vei lăng bri Dak Lăk tơbăt: ‘Nau jei jing ‘măng kŏh pơrăm bri kơtang hlŏh, hơnĭh au tŏk bŏk tơchă rôp păng pơm hla bơar vă xek tơlang. Adoi, Dơnŏ anĭh vei lăng bri dêh char jei gô pơm hơdăh hơnăp jang kơ tơpôl, rim bơngai đei ƀơm trŭh lê̆ đei tơdrong kŏh pơrăm bri mă lei ư̆h kơ tang găn tơtam.

Tơblơ̆ nơ̆r: Amazưt