VOV4.Bahnar - ‘Năr (25/1), tơ̆ Hnam phak so gĭt kăl Buôn Ma Thuột (dêh char Dak Lak) pơ gơ̆r pơm lêh bơ nê kơ đe linh kăch mang sơ̆ đei rôp kron păng lôch tang tơ̆ âu.

Dôm bơ ngai tang măt sŏh nhang lơ̆m jơ pơm lêh

Lơ̆m jơ hngâm đon kŭp yom, dôm bơ ngai tang măt chă pơ đou dơ̆ng dôm tơ drong juăt ‘lơ̆ng đơ̆ng tơ drong iung tơ jră ‘năr 25/1/1944 păng sŏh plang nhang, pơ yơ̆r pơ kao tơ ƀôh jơ hngâm đon ‘mêm bơ nê tôch ai truh hăm kŏng tih tên đơ̆ng đe linh đei rôp kron, lôch tang tơ̆ Hnam phak so Buôn Ma Thuột.

‘Nâu jĭ tơ dỏng jang tơ ƀôh jơ hngâm đon “Nhă đak ƀlŏk kơ tu”, pơ tho tơ ƀôh tơ drong juăt jang kăch mang, hơ tŏk đon hlôh vao, hơ năp jang đơ̆ng dôm anih jang kơ pal, khul grŭp tơ pôl, mă loi jĭ jơ hnơr mơ lôh lơ̆m tơ drong tơ iung pơ jing păng vei lăng tĕh đak.

Dơ̆ng: Tơ blơ̆