VOV4.Bahnar - Lơ̆m 2 năr (13-14/10), Đoàn Hơdrŭh tơdăm CS Hồ Chí Minh dêh char Dak Lăk pơgơ̆r Pơm lêh Hop akŏm kơdră tang măt ‘măng mă 12, jăl jang 2022-2027, hăm đei vang năm đơ̆ng 300 ‘nu bơngai tang măt, dơ̆ng pang tang măt ăn hlŏh 90.000 ‘nu đoàn viên, hơdrŭh tơdăm lơ̆m dêh char.

Khŭl kơdră chĕp pơgơ̆r Đoàn Hơdrŭh tơdăm CS Hồ Chí Minh dêh char Dak Lăk jăl 12, jăl jang 2022-2027 lĕch mŭh măt

Hăm trong jang “Pơm jŭk-Tơdrong joăt-Tơgoăt tơgoăl-Tơchăr-Atŏk tơ iung”, lơ̆m jăl jang ‘nao, hơdruĭh tơdăm Dak Lăk akŏm jang keh đang mĭnh ƀar tơdrong jang nhen tơgŭm djru đei đơ̆ng 5 pơlei tơnap tap jang keh đang trong pơkăp tơring tơrang ‘nai; pơtăm păng vei lăng 1 trĭu 500.000 dơnơm ‘long; pơtho pơhrăm ming nơ̆r tĕh đak đe ăn kang ƀô̆ đoàn păng đoàn viên hơdrŭh tơdăm. Vă jang keh đang trong tơlĕch jang au, mŏ H’ Giang Niê, Bí thư Đoàn Hơdrŭh tơdăm Cộng sản Hồ Chí Minh dêh char Dak Lăk jăl 12, jăl jang 2022-2027 tơbăt, khŭl đoàn gô lăng ba kơ jăp trŭh khŭl hơdrŭh tơdăm tơring atăih yăih, tơring kon kông, hơnơ̆ng atŏk kơtang jang ‘lơ̆ng đoàn viên hơdrŭh tơdăm đơ̆ng tơring hloi, vă bơ̆ jang đoàn tơpă jơnei păng roi năr roi atŏk tơ iung jang ‘lơ̆ng hlŏh dơ̆ng.

VOV Tây Nguyên/Amazưt tơblơ̆