Đắk Lắk hơmet pơkeh lơ kơchư̆k chĕp pơgơ̆r tơm dơnơm.

Lơ̆m ou, ƀok Trần Văn Tân, Tỉnh ủy viên, Kơdră chĕp pơgơ̆r Hơnih bơ̆ jang jên hu dêh char đei ăn năm jang, pôk tơmơ̆t pơm Kơ iĕng Kơdră chĕp pơgơ̆r ban Tổ chức Tỉnh ủy. Hop akŏm jei tơbăt hơdăh 5 tơdrong tơchơ̆t đơ̆ng Kơdră chĕp pơgơ̆r Hơnih vei lăng kon pơlei dêh char ăn năm jang, pôk hơtŏk pơm kơdră chĕp pơgơ̆r rim hơnih bơ̆ jang. Kiơ̆ kơ ‘noh, ƀok Bùi Hồng Quý tŏk pơm Kơdră chĕp pơgơ̆r Hơnih vei lăng Choh jang sa păng Cham char dêh char; ƀok Nguyễn Minh Huấn tŏk pơm Kơdră chĕp pơgơ̆r Sở Tư pháp; Ƀok Cao Đình Huy tŏk pơm Kơdră chĕp pơgơ̆r Hơnih bơ̆ jang jên hu dêh char. Lơ kang ƀô̆ chĕp pơgơ̆r kâp tơring, phương jei đei ăn năm jang, tơplih tơdrong jang vă atŏk kơtang kĕ bơ̆ jang chĕp pơgơ̆r, pơrô̆ jang tơ̆ tơring, trŏ lăp hăm tơdrong ‘meh vă atŏk tơ iung kơ tơring.