Pơma tơlĕch mĭnh ƀar tơdrong kăl hơlen mă brĕ lơ̆m iung jang hơdoi, vă ƀôh hơdăh dôm tơdrong tơhlăk tơhlĭn, tơnap tap lơ̆m iung jang hơdoi, Kơdră chĕp pơgơ̆r Kuôk hôi tơlĕch ăn 3 tơdrong kăl vă rim hơnih bơ̆ jang ƀơm truh vang tơgop nơ̆r. Ƀok athei kăl tơplih đơ̆ng trong jang :hơpeh hơpong pơvih pơvăn ăn tơgoăt tơgoăl” jing “hơpeh hơpong pơjing đei tơdrong gĭt kăl ăn atok tơ iung kơ teh đak. Rim hơnih bơ̆jang ƀơm truh akŏm iung jang ‘lơ̆ng 5 trong tơlĕcn ăn ‘noh: lăng trŏ ƀlep găh hơnih dơ̆ng kơ hơpeh hơpong hăm teh đak đe kơ Kuô̆k hô̆i lơ̆m pơđĭ trong jang hơpeh hơpong tôm tong, gơh hơgei kơ Teh đak. Kơdră chĕp pơgơ̆r Kuô̆k hô̆i athei tơklep kơjăp rim ‘măng hop akom nghĭ viê̆n hăm trong tơlĕch ăn hơvơn khul jang, kmăi kmŏk kăl, kmăi kmŏk hơgei, pơih să hơnih tĕch răt dih băl ăn teh đak, atŏk kơtang kĕ iung jang kơdih. Jei tơ̆ jơ bơ̆ jang, Kơdră chĕp pơgơ̆r Hơnih tơm jang tơbôl; Hơnih vei lăng sơđơ̆ng teh đak, Sơđơ̆ng tơring păng Hơpeh hơpong hăm teh đak đe; Hơnih bơ̆ jang ăn Kuô̆k hô̆i hlôi kĭ pơkăp tơdrong tơchơ̆t iung jang hơdoi.