Ƀar păh tơchĕng ‘lơ̆ng dôm tơdrong iŏk đei lơ̆m tơdrong pơvei đơ̆ng 2 Đảng, 2 teh đak khei ‘năr âu ki, mă loi jĭ tơlĕch jang kiơ̆ đon tơchĕng atŭm đơ̆ng kơdră chĕp kơ̆l teh đak. Thủ tướng Lê Minh Hưng athei hơtŏk đon lui băl, vei kơjăp tơdrong pơgơ̆r pơma nuh tih, hơtŏk tơdrong jang hơdoi găh trong gre, anih jang, pơjing trong ăn lơ kơloăi gre, lơ̆m noh pơ‘nhŏ hơdrol hlŏh ăn trong gre treng.

Thủ tướng oei hơpơi ‘meh pơih xă tơdrong jang hơdoi găh khoa hŏk kơmăy kơmŏk, pơtho pơhrăm, pơtho ăn khul bơngai jang rơgei, jang pơgang, jŏh ayŏ kơ dŏ xoang păng chă tơmang lăng. Thủ tướng Lý Cường pơma hơdăh Trung Quốc ling lang năng Việt Nam jĭ trong jang đei tơgŭm hơdrol lơ̆m tơdrong jang tơbôl hăm teh đak jê̆ băl, atŭm hăm ‘nŏh ‘mĕh hơtŏk tơdrong jang hơdoi găh pơm trong gre treng, tơguăt kơjăp tơring, tưk tơiung tơdrong jang hơdoi găh lơ tơdrong păng pơih xă tơdrong tĕch mơdro tơmam đơ̆ng choh jang xa đei kơ 2 teh đak.