Tơ̆ hop akŏm, rim bơngai tang măt đei hŏk pơhrăm tơdrong tơchơ̆t đơ̆ng Trung ương păng kơ dêh char; hŏk pơhrăm găh trong chĕp pơgơ̆r, bơ̆ jang kơ Jơnŭm vei lăng kon pơlei; tơdrong tơchơ̆t kơ khôi luơ̆t găh dôm hla bơar pơkăp khôi luơ̆t; trong jang lăng hơlen, tơchơ̆t tơdrong tơchơ̆t păng dăr lăng. Tơdrong iung jang kiơ̆ nhen jang kiơ̆ kmăi kmŏk hơgei, trong apĭnh hơlen tơgop pơm hơtŏk ‘lơ̆ng tơdrong jang. Iung pơma tơ̆ hop akom, ƀok Lương Nguyễn Minh Triết, Kơdră jang lơ̆m Trung ương Đảng, Bí thư Đảng dêh char Dak Lăk pơma hơdăh athei rim bơngai tang măt kăl tơjê̆ kon pơlei, tơklep hăm kon pơlei, iung jang kơtang lơ̆m dăr lăng, hơnăp jang lơ̆m tơchơ̆t, sơđơ̆ng rim trong tơlĕch jang hơdăh găh bơngai, hơdăh jơ ‘năr păng hơdăh pơtôch tơlĕch jang.