Lơ̆m 'măng năm tơmang, Tổng Bí thư, Kơdră teh đak bơ̆n Tô Lâm gô pơma đam kơpal kăp gĭt hăm Tổng Bí thư, Kơdră teh đak Trung Quốc Tập Cận Bình păng dôm tơdrong pơma đam hăm đe kơdră kơpal nai kơ Trung Quốc, vă atŭm băl pơma đam gah dôm trong jang tih vă hơtŏk tơdrong jang tơbôl 2 pah tŏk ah jăl hơtŏk tơ-iung 'nao, sơđơ̆ng păng kơjăp hloh, pran kơtang hloh.

Lơ̆m khei năr tơpôl lơ̆m tơring păng lơ̆m apŭng plenh teh đei lơ tơsŭl tơsăl, 'măng năm tơmang kơpal ou jĭ 'măng vă 2 pah pơma đam hơ-iă păng tơpăt gah dôm tơdrong mă atŭm tơrĕk truh tơ̆ tơring păng lơ̆m apŭng plenh teh, păng jang hơdoi hăm lơ teh đak, sek tơlang tơnăp dôm tơdrong oei đei, tơgop ăn tơdrong rơngei, sơđơ̆ng, jang hơdoi păng hơtŏk tơ-iung tơ̆ tơring păng lơ̆m apŭng plenh teh.