Kiơ̆ hla bar tơroi, dang ei oei 198 tơdrong jang tĕch pơdro kiơ̆ pơkăp păng 4.603 pơkăp tĕch pơdro. Tơchơ̆t kơsô̆ 18 Hop akŏm 'măng mă 2 Ƀan châ̆p hanh Trung ương Đảng jăl 14 hlôi pơgơ̆r rim hơnih jang tơm athei pơtoi hơlen, kăt tơjur 30% tơdrong jang tĕch pơdro kiơ̆ pơkăp, atŭm hăm noh kăt tơjur 100% pơkăp tĕch pơdro ưh kơ kăl. Atŭm hăm noh, kăt tơjur 50% khei năr pơm jang, 50% jên huach pơm kiơ̆ hla bar hanh chĭnh; Hơnih jang tơm hơdrô̆ pơm kiơ̆ ưh kơ hloh 30% kơsô̆ hla bar hanh chinh lơ̆m tơdrong jang mă po vei lăng.

Pơkăp hơtuch hop akŏm, Thủ tướng pơgơ̆r, truh năr 20/4, rim hơnih jang tơm athei tơbang trong jang kăt tơjur, hơmet 'lơ̆ng hla bar hanh chĭnh, pơkăp tĕch pơdro, tơdrong jang tĕch pơdro kiơ̆ pơkăp; Hơnih jang kơ Jơnŭm pơgơ̆r teh đak, Hơnih tơm Tư phap chih akŏm, hơlen lăng pơtruh ăn Jơnŭm pơgơ̆r teh đak hơlen pơkăp trong pơm jang lơ̆m khei 4.