Hop akom tơbăt, mă đơ̆ng iŏk đei tŏk GRDP 7,47; tĕch mơdro tơ teh đak đe tơ jur hloh 20% pơtêng hăm khei năr ou sơnăm sơ̆, akŏp tĕch mơdro tơmam drăm păng mơdro sa tŏk lơ, mă lei tim mă iŏk đei nhen trong tơlĕch ăn. Lơ “hơnih tơhlăk tơhlĭn” hơnơ̆ng gei kơjăp nhen, jang hơmet pơ ‘lơ̆ng rim tơdrong vă jang kon jên tơmơ̆t jang oei hiơ hiơ̆, mă kăl lơ̆m tơdrong jang ŭnh hơyuh; tơlĕch kon jên tơmơ̆t jang teh đak ‘nao jơnei hloh 5%; hơnih mơdro sa pơdơ̆h jang tŏk hloh 110%. Iung pơma tơ̆ Hop akŏm, Kơdră chĕp pơgơ̆r Hơnih vei lăng kon pơlei dêh char Lâm Đồng Hồ Văn Mười pơma hơdăh, tơdrong iung jang hơdoi tim mă jơnei ƀar păh rim hơnih bơ̆ jang, oei đei ƀôh “ pơjao dih băl” hô sơ pơm tơnap tao ăn hơnih mơdro sa. Dêh char athei rim hơnih bơ̆ jang, tơring atŏk kơtang hơnăp jang kơ bơngai chĕp kơ̆l, atŏk kơtang hơmet pơ ‘lơ̆ng trong bơ̆ jang, tơplih kơsô̆, xek tơlang keh đang rim tơdrong tơhlăk tơhĭn ăn hloh 300 tơdrong vă jang oei tơlĕch jang hiơ̆ hyĭn.