Đơ̆ng rŏng kơ Lêh sơng, Thủ tướng Lê Minh Hưng păng Thủ tướng Cộng hòa Slovakia Robert Fico chĕp kơ̆l khŭl kơdră kơpal 2 teh đak pơgơ̆r pơma đam. Thủ tướng Lê Minh Hưng pơma hơdăh, Việt Nam gô hơnơ̆ng lăng kăl păng ‘meh vă pơtrŭt vă hơnhăk tơdrong pơvei hăm Slovakia - mĭnh lơ̆m dôm teh đak jang hơdai tơgŭm hơdrol hloh kơ Việt Nam tơ̆ Trung Đông Âu - roi ‘năr roi năm mơ̆t jrŭ, tơpă păng đei yua.

Kiơ̆ lơ̆m jơhngơ̆m đon ‘noh, 2 păh hlôi pơma dơnuh tơpă, rơhâu găh tơdrong apŭng plĕnh teh, tơdrong tơring păng dôm trong jang vă pơm hơyak tơplih ‘nao tơpă hloh dơ̆ng lơ̆m pơvei 2 teh đak; pơm hơdăh ‘lơ̆ng păng pơm gĭt kăl hloh dơ̆ng tơdrong pơvei jang hơdai gĭt kăl; Jang hơdai kơjăp vă hơmet pơ ‘lơ̆ng dôm long nol lơ̆m tơring păng jơ̆p plei teh păng yak truh tơdrong hơgăt hơtŏk tơiung kơjăp yua kơ tơdrong đei yua kơ 2 teh đak, yua kơ tơdrong rơngei, sơđơ̆ng, jang hơdai păng hơtŏk tơiung tơ̆ tơring păng apŭng plĕnh teh.