Tơ̆ lêh pơtôch, Jơnŭm pơgơ̆r pơlong hlôi pôk bơnê ăn dôm bơngai chih păng pôk 24 hơpah Mah; 37 hơpah Hu; 71 hơpah Kong; 60 hơpah pơchhơ̆p jơhngơ̆m ăn dôm tak phâm kiơ̆ kơluăi: Pơre nơ̆r kơtă, ƀai chih tơroi, ƀai chih dăr hơlen, tơdrong tơroi nơ̆r kon kông; podcast…Lơ̆m noh, lơ tak phâm đei chă hơlen ƀôh băt; lơ trong chih akŏm tơdrong tơroi 'nao hơgei đơ̆ng rim bơngai jang ƀăo, Rim Hơnih jang Ƀăo păng Rađiô rapor pơdah um rup dêh char, pơlei tơm pơm jang gơh hơgei păng pơtrŏ kăp gĭt hăm tơdrong hơrih tơpôl.

'Nguaih kơ noh, Jơnŭm pơgơ̆r adoi pôk 29 hơpah nai đei: Hơpah ăn bơngai tơroi (host) hơgei hloh; Hơpah ăn bơngai Pơre nơ̆r tơm tơdrong tơroi kơtă hơgei hloh; Hơpah ăn Ekip chih akŏm pơre nơ̆r kơ tơdrong tơroi kơtă gơh hơgei hloh; Hơpah ăn Bơngai pơre nơ̆r hơgei hloh; Bơngai jang kih thuơ̆t hơgei hloh. Vang akŏm Pơlong pơre nơ̆r 'măng mă ou, VOV Tây Nguyên đei jơnei 1 Hơpah Mah; 1 Hơpah Hu păng 1 Hơpah Pơchhơp jơhngơ̆m.