Hơnih Juăt jang Kuô̆k hô̆i sơkơ̆t hơdah, dôm nơ̆r pơtruh hlôi đei chih tơbang noh trŏ nơ̆r kon pơlei tơgop, pơjing đei tơdrong kăp gĭt ăn tơdrong dăr hơlen tơdrong pơgơ̆r jang kơ dôm hơnih jang đei tơrĕk. Hơnih Juăt jang Kuô̆k hô̆i pơtruh nơ̆r: Jơnŭm pơgơ̆r teh đak, Thủ tướng teh đak, rim hơnih jang tơm, hơnih jang Trung ương akŏm sek tơlang keh đang dôm nơ̆r pơtruh oei đom đunh khei năr; Hơtŏk sơnong jang kơ bơngai chĕp kơ̆l, tơguăt hăm sek tơlang nơ̆r pơtruh ăn sơkơ̆t sơnong jang.

Adoi lơ̆m 'măng hop akŏm, Hơnih Juăt jang Kuô̆k hô̆i, hlôi tơgop nơ̆r gah chih akŏm Tơchơ̆t kơ Kuô̆k hô̆i gah minh ƀar tơchơ̆t tơgŭm vă hơtŏk joh ayŏ Việt Nam păng chih akŏm Luơ̆t Tơdrong lui, tơdrong khop (hơmet tơplih). Hơnih Juăt jang Kuô̆k hô̆i hơlen pơkăp Tơchơ̆t gah pơjing 10 phương kơ dêh char Đồng Nai; pơjing pơlei tơm Đồng Nai oei lơ̆m Trung ương.