Kiơ̆ kơ ‘noh, anih jang kơpal pơih să trong dăr hơlen tŏk 10 xăh vă rơih iŏk tŏ sĕt hloh 4 xăh đei tôm tơdrong hiôk pơjing phường lơ̆m sơnăm 2027. Dang ei Khánh Hòa đĭ jang đei 4/7 tơdrong hơgăt, ‘noh đei akŏm kơsô̆ kon pơlei, hơgăt teh, kơsô̆ anih kơdrơ̆m ‘lơ̆ng păng anih dơ̆ng, tơdrong jang.

Vă jang đang tơdrong hơgăt lơ̆m sơnăm 2028, tơring kăl hơnơ̆ng pơvei dôm tơdrong hơgăt hlôi jang đei păng jang pơkeh 3 tơdrong hơgăt uơ oei dơ̆ng lơ̆m sơnăm 2027. Kơdră chĕp kơ̆l Anih vei lăng kon pơlei dêh char Khánh Hòa athei rim tơring kơchăng tơlĕch hơnăn tơdrong jang tơm, hơmet jên tơmơ̆t jang, pơm tơdrong hiôk chih pơkeh hô sơ, yak truh tơdrong hơgăt jing pơlei tơm găh Trung ương lơ̆m sơnăm 2028.