Kŏng ang dêh char Đăk Lăk ăn tơbăt, jơ̆p dêh char hlôi hơlen, akŏm đei tơdrong kăl kơ 12.308 linh lôch tang, lơ̆m noh 5.458 kơ̆l kơting linh lôch tang tam mă băt hơnăn pơlei pơla. Đơ̆ng chă hơlen dang ei đei 3.985 kơ̆l kơting linh lôch tang oei đei 'nhŏng oh vă akŏm iŏk pơkăp ADN hăm kơsô̆ 4.346 'nu bơngai. Lơ̆m 'măng mă 1, dêh char hlôi iŏk đei hloh 2.400 pơkăp ADN.

Lơ̆m 'măng mă 2 ou, hơmŏ gô iŏk đei 1.671 pơkăp dơ̆ng. Vă tơdrong iŏk akŏm pơkăp ADN gơh đei jơnei, Kŏng ang Đăk Lăk jang atŭm hăm hơnih juăt jang, jơnŭm pơgơ̆r tơring hơlen lăng, kơtă năm truh rim unh hnam vă băt hơdah, pơtho păng tơblang kiơ̆ tơchơ̆t tơlĕch. Tơdrong jang ou đei pơm jang tôch kơchăng, kơlih rim pơkăp ADN adoi akŏm pơm trŏ tơdrong hơpơi  'meh chơ chă hơnăn pơlei pơla, hơnhăk đe linh lôch tang ăn teh đak gơh đei hơnăn chôt vih hăm pơlei pơla păng unh hnam.