Lơ̆m 'măng năm pơm jang tơ̆ dêh char Đăk Lăk, ƀok Nguyễn Thanh Nghị, Kơdră Hơnih Tơchơ̆t tơgŭm jang kơ Trung ương hlôi pơm jang hăm dêh char gah tơdrong tơlĕch jang hơtŏk mŭk drăm – tơpôl. Tơ̆ jơ pơm jang, dêh char Đăk Lăk pơtruh nơ̆r hăm Trung ương dah hrôih tơlĕch tơchơ̆t kăp gĭt vă akŏm bơngai jang, pơjing jơhngơ̆m jang kiơ̆ tơchơ̆t hơtŏk tơ-iung 2 kơsô̆.  Mŭk drăm – tơpôl ah jăl I noh sơđơ̆ng 'lơ̆ng păng jang đei jơnei kăp gĭt. Tơdrong jang mŭk drăm pơtoi pơih să, hơtŏk atŭm kơ dêh char kiơ̆ kơjă pơkăp dang ei noh đei hloh 48.400 tih hlj, tŏk 11,7% pơtêng hăm khei năr ou sơnăm 2025.

Pơma ah jơ pơm jang, ƀok Nguyễn Thanh Nghị bơnê kơ tơdrong hơdrin đơ̆ng Đăk Lăk lơ̆m khei năr oei lơ tơnap tap, mă lei dêh char kăl hơdrin hloh dơ̆ng lơ̆m tơdrong pơgơ̆r jang, mă kăl noh asong jên jang kŏng, pơklaih dôm tơdrong tơhlăk tơhlĭn păng tơjur unh hnam hin dơnuh.