Khei ‘năr âu ki, Đắk Lắk hlôi bơ̆jang kiơ̆ hloh 45 hơnăp jang khoa hŏk - kơmăy kơmŏk rim jăl, hăm hloh 80% iŏk yua tơchĕng hơlen đei tơmơ̆t yua lơ̆m yan âu, mă loi ‘noh jĭ lơ̆m choh jang sa kơmăy kơmŏk ‘nao, kơmăy kơmŏk sinh hŏk, vei lăng - pơm tơlĕch tơmam đơ̆ng choh jang sa đei păng tơplih kơsô̆.

Tơ̆ jơ bơ̆jang, tang măt dôm anih jang, hnam trưng, anih mơdro sa drơ̆ng nơ̆r akhan kăl kơ trong jang tơgŭm hrĕnh hloh lơ̆m tơdrong rơih iŏk bơngai jang khoa hŏk, hơmet ‘lơ̆ng mŭk tơmam tơchĕng hơlen păng tĕch mơdro đei yua, yak truh pơjing hơnih tơplih ‘nao pơcheh hơgei tơklep đơ̆ng anih jang vei lăng, bơngai jang khoa hŏk păng anih mơdro sa.