Kiơ̆ kơ ‘nŏh, 20 hnam trưng THPT đei tơmât hơdai, pơjing 10 hnam trưng THPT ‘nao, đei: Buôn Hồ, Buôn Ma Thuột, Chu Văn An, Cư M’gar, Ea H’leo, Nguyễn Bỉnh Khiêm, Nguyễn Huệ, Trần Quốc Tuấn, Lê Trung Kiên păng Krông Ana. Hăm dôm anih pơtho tơdrong jang – Pơtho hŏk ƀô tŭk, 10 anih đei tơmât hơdai, pơjing 3 anih ‘nao ‘nŏh Buôn Hồ, Krông Pắch păng Tuy An.

Tơ̆ hop akŏm, Anih vei lăng pơtho pơhrăm dêh char oei roi tơbăt, pơjao tơdrong tơchơ̆t pôk hơtŏk kăn ƀô̆ vei lăng tơ̆ dôm anih ‘nao. Pơma tơ̆ hop akŏm, Kơdră Anih vei lăng pơtho pơhrăm dêh char Đắk Lắk Lê Thị Thanh Xuân ăn tơbăt, tơdrong hơmet ming vă tơjur ƀiơ̆ anih pơtho, hơtŏk tơdrong đei yoa đơ̆ng vei lăng, iŏk yoa tơmam păng khul jang; tơjur ƀiên chê̆ vei lăng, hơtŏk khul pơtho tơ̆ lăm, kiơ̆ đơ̆ng noh vang tơgop pơm hơtŏk tơdrong ‘lơ̆ng đơ̆ng pơtho pơhrăm.