Vang năm pơm lêh đei kơdră chĕp pơgơ̆r, kơdră so dêh char atŭm hăm lơ kang ƀô̆, kon pơlei rim tơring Vân Hòa, Sơn Hòa păng Tuy An Nam. Tơ̆ jơ pơm lêh, rim bơngai tang măt hlôi tơbăt dơ̆ng găh dôm tơdrong jang păng tơdrong tơgop tih tên đơ̆ng Ƀok Hô hăm tơdrong jang pơm rơngei hơdrĕch hơdrung; adoi sơkơ̆t hơdăh kơrŭn đĭ ai tơ iung pơjing Đảng ƀô̆ rơgoh ‘lơ̆ng, pran kơtang, pơtrŭt kơtang atŏk tơ iung mŭk drăm-tơpôl tĕnh koăng păng kơjăp. Lăp đơ̆ng rŏng pơm kêh soh hlôt nhang, rim bơngai tang măt vang pơtăm ‘long ƀlŏk hơdơ̆r, năm tơmang lăng hơnih pơdă hla bơar găh tơdrong hơrih sa, tơdrong jang kơ Ƀok Hô tơ̆ hơnih gru gra gĭt kăl dăr sơnăm Hnam soi tơbeh Ƀok Hô. Jơ ‘năr ou oei pơgơ̆r lơ tơdrong joh ayŏ kơdŏ soang, vih kơtu so pơvih pơvăn ăn kon pơlei.