Tơchơ̆t ah pơtôch jơ pơm jang, Tổng Bí thư, Kơdră teh đak bơ̆n ră hơdah 5 tơchơ̆t tih vă pơtoi hơtŏk tơdrong jang kŏng ngĭp pơm tơlĕch tơmam drăm kăl lơ̆m khei năr truh, lơ̆m noh, kăl sơkơ̆t hơdah kŏng ngĭp pơm tơlĕch tơmam drăm kăl jĭ tơdrong jang kŏng ngĭp dơnơm lơ̆m trong jang kŏng ngĭp, tơlĕch jang 'nao kơ teh đak.

Tổng Bí thư, Kơdră teh đak ră hơdah, athei sơ̆n đơ̆ng tơplih iŏk yua mŭk drăm hlôi đei jing trong jang pơm tơlĕch, pơgơ̆r kơmăi kơmŏk jang păng hơtŏk kơjă kăp gĭt lơ̆m teh đak; hơtŏk dôm tơdrong jang pơm tơlĕch tơmam drăm kăl kiơ̆ trong so vă kơ rơgoh 'lơ̆ng hloh, kơjăp hloh, kơjă kăp gĭt hloh; pơm trong hơtŏk kơtang gah khua hŏk – kơmăi kơmŏk 'nao, tơchơ̆t tơdrong 'lơ̆ng păng bơngai jang hơgei; hơtŏk hơnih jang mŭk drăm Việt Nam păng pơjing tơdrong tĕch răt lơ̆m teh đak ăn tơmam drăm kăl 'nao, tơmam drăm 'lơ̆ng rơgoh, tơlĕch jang hơdoi kơ rim hơnih jang, hơtŏk hơlen păng vei lăng tơdrong pơyua ăn teh đak lơ̆m khei năr jang hơdoi lơ̆m apŭng plenh teh hrei ou.