VOV4.Bahnar - Năr 13/4, Jơnŭm chư pơglang ƀrê dêh char Dak Lăk pơgơ̆r sơng iŏk tơdrong jang pơtrŭh đak pơgang pơlôch sơmach jĭ ăn 400 hnam trương jăl kơ đeh  păng mâm non tơ̆ dêh char Dak Lăk.

Tơ̆ jơ sơng, tang măt ăn hơnĭh tơgŭm djru hlôi pơjao 10.000 tơmam pơm rơgŏh hơlong, 13.000 kơlich đak pơgang pơlôch sơmach jĭ păng 15 ƀô̆ tơmam hlŏng rơgŏh đak hăm kơ jă kơ jên hlŏh 4 ti 500 trĭu hlak jên. Dôm tơmam drăm au gô ƀơk ăn 400 hnam trương jăl kơ đĕh păng mâm non tơ̆ dêh char Dak Lăk. Kiơ̆ đơ̆ng yă Trần Thị Phương Thu, Kơ iĕng Kơdră chĕp pơgơ̆r Jơnŭm chư pơglang ƀrê dêh char Dak Lăk, atŭm hăm dôm kmăi kmŏk hlôi đei sơng iŏk, Jơnŭm chư pơglang ƀrê dêh char iung jang hơdoi hăm Hơnĭh tơgŭm djru hơnơ̆ng dăr lăng vă rơ̆ih rim hnam trương tơ̆ tơring atăih yăih ‘mĕh vă iŏk yua kmăi hlŏng rơgŏh đak vă tơgŭm ăn dơ̆ng lơ̆m khei năr kơnh.

Tơblơ̆ nơ̆r: Amazưt