Container cheh phe hơdrĕng ot đei hơnăn Miss EDE tĕch tơ̆ teh đak Mi đei 18 rơbâu tơpu chĕh phe hơdrĕng, ot. ‘Nâu jĭ tơmam chĕh phe đei hơdrĕng ot hơmet tôch ‘lơ̆ng mă blŭng đơ̆ng Công ty TNHH tĕch mơdro pơvih pơvăn Pơgar xă EDE, đei tăh lơ̆m tơpu tơ̆ Việt Nam. Cheh phe đei pơm hơmet kiơ̆ trong pơđĭh ‘lơ̆ng lăp hăm tơdrong hơgăt FDA Mi. Chĕh phe đei pơtăm tơ̆ tơring jang chĕh phe kơjăp ‘lơ̆ng, ưh đei kŏh phă, tơgar iŏk teh bri vă pơtăm, lăp hăm tơdrong hơgăt EUDR păng đei vei lăng yoa Simexco Đắk Lắk.

Anih răt iŏk âu tơ̆ ƀang Illinois (Mi), hơnhăk tĕch tơmam tơ̆ siêu thị lơ̆m tơring, pơih đei tơdrong ‘lơ̆ng ăn tơmam gơ̆h truh hăm bơngai răt yoa tơ̆ Mi păng pơm hơtŏk hơnăn tơmam Việt Nam lơ̆m apŭng plenh teh. Hăm tơdrong đei dơ̆ng 1 anih tĕch mơdro tơ̆ Đắk Lắk tĕch tơmam chĕh phe hơdrĕng, ot tơ̆ Mi ‘nâu jĭ tơdrong ‘lơ̆ng vă chĕh phe Việt Nam tơƀôh hơdăh anih dơ̆ng tơ̆ anih tĕch mơdro tơmam yoa tih hlŏh lơ̆m apŭng plenh teh âu.