VOV4.Bahnar -  Pơ gê ‘năr 9/2, Anih jang Đảng dêh char - Jơ nŭm pơ gơ̆r kon pơ lei - Anih vei lăng kon pơ lei - Anih jang Mặt trận Tổ quốc Việt Nam dêh char Dak Lak pơ gơ̆r tơ ƀơ̆p muh măt bơ ngai chih kơ tơ̆ng ang, văn ngê̆ si, bơ ngai hŏk jrŭ blŭng pơ yan puih mak Nhâm Dần 2022. Tơ̆ jơ tơ ƀơ̆p muh măt, 150 ‘nu bơ ngai tang măt hơ gei tang măt khŭl văn ngê̆ si, bơ ngai hŏk jrŭ, bơ ngai chih kơ tơ̆ng ang kơ dêh char hlôi vang lăng dơ̆ng jơ nei bơ̆ jang, tơ gop đơ̆ng rim anih jang lơ̆m sơ năm âu ki, tơ lĕch, apĭnh 1,2 tơ drong lơ̆m bơ̆ jang khoa hŏk kơ măy kơ mŏk, chih kơ tơ̆ng ang, joh ayŏ dôm sơ năm đơ̆ng rŏng dơ̆ng.

Kơ dră chĕp kơ̆l dêh char Dak Lak asong pơ kao păng chơt hơ iă sơ năm ‘nao tang măt ăn khŭl văn ngê̆ si, bơ ngai hŏk jrŭ păng bơ ngai chih kơ tơ̆ng ang

Yak hloh 1 sơ năm pŭ lơ tơ drong ưh kơ ‘lơ̆ng yua đơ̆ng jĭ hơ buh Covid 19, khŭl văn ngê̆ si pơ gơ̆r đei lơ tơ drong jang hơ iă tơ gop ‘lơ̆ng ăn joh ayŏ dêh char Dak lak hơ nơ̆ng hơ tŏk tơ iung. Khŭl jang dôm bơ ngai chih kơ tơ̆ng ang hlôi chih tơ roi, roi ‘năr roi hơ iă rim tơ drong jang đơ̆ng tơ drong arih sa, tơ pôl tơ gop lơ̆m jơ nei atŭm lơ̆m hơ tŏk tơ iung mŭk drăm tơ pôl dêh char Dak Lak. Yak lơ̆m sơ năm 2022, kơ dră chĕp kơ̆l dêh char Dak Lak ‘meh vă khŭl chih kơ tơ̆ng ang, văn ngê̆ si, bơ ngai hŏk jrŭ hăm đon gơh hơ gei đơ̆ng kơ dih hơ drin tơ gop ăn dêh char lơ hloh dơ̆ng.

Thuem: Tơ blơ̆