VOV4.Bahnar - Ƀlep ƀơ̆t tơ băt 75 sơ năm năr Lĭnh jĭ rơ ka lĭnh lôch dŏng teh đak ‘năr 27/7, ‘năr 24/7, tơ̆ xăh Ea Kuang, apŭng Krông Păch, Anih jang Đoàn apŭng Krông Păch, Anih jang Đoàn dêh char Dak Lak pơ gơ̆r tơ drong “ Tơ drong jang sơ năm mơ lôh Dak Lak- Chih dơ̆ng tơ drong tơ roi rơ ngei” hăm lơ tơ drong jang ‘lơ̆ng hơ iă, nhen: pơ gơ̆r pơ ma dơ nuh joăt joe hăm dôm bơ ngai kră jang kach mang, bơ ngai lăng ƀôh jơ hnơr arih lơ̆m khei ‘năr tơ jră Mi dŏng teh đak; năm ngôi tơ̆ mĕ Việt Nam nuih mơng Trần Thị Lý; asong tơ mam ăn 20 ŭnh hnam teh đak tơ gŭm, pơ tăm ‘long tơ̆ anih man tơ băt xăh Ea Kuang, khăm jĭ asong đĕch pơ gang ăn kon pơ lei mơ mat tat.

Pơ jao asong dôm tơ drong jang hơ druh tơ dăm

Pơm hơ met ming hơ nih chih tơ băt tơ̆ 2 xăh Ea Kuang păng Ea Phê, apŭng Krông Păch. Akŏp kơ jă dôm tơ drong jang hloh 70 triệu hlak jên.

Năm ngôi tơ̆ dôm ŭnh hnam teh đak tơ gŭm, bơ ngai đei kŏng

‘Măng âu, dôm Anih jang Đoàn apŭng păng anih jang Đoàn tơ ring kŭm tơ lĕch lơ tơ drong jang ‘lơ̆ng hơ iă ƀlep ƀơ̆t tơ băt 75 sơ năm Năr lĭnh jĭ rơ ka lĭnh lôch dŏng teh đak.

Thuem: Tơ blơ̆