Puăn luơ̆t đei tơgop ‘noh: Luơ̆t gơh băt kơtơ̆ng ang (hơmet ming), Luơ̆t tơgŭm khôi luơ̆t (hơmet ming, tơmơ̆t dơ̆ng), Luơ̆t Hộ tịch (hơmet ming) păng Luơ̆t Công chứng (hơmet ming, tơmơ̆t dơ̆ng). Dôm bơngai tang măt drơ̆ng nơ̆r tơdrong kăl hloh hơmet ming vă hơmet pơ ‘lơ̆ng tơdrong jang khôi luơ̆t, pơm lăp hăm  ‘meh vă tơplih kơsô̆, hơmet ming păng pơjing khŭl kơdră chĕp kơ̆l tơring 2 tăl.

Tơgop nơ̆r ăn Luơ̆t gơh băt kơtơ̆ng ang, lơ nơ̆r tơgop athei pơm hơdăh tơdrong hơmet ming, hơnăp jang pơtruh kơtơ̆ng ang, hơgăt hơdăh dôm bơngai hơngăh vă veh var iŏk yua “tơdrong ôn kơ teh đak”, hơdai hăm athei pơtruh kơtơ̆ng ang kiơ̆ kơmăy kơsô̆, hơtŏk loi dơ̆ng tơroi hla ar chih răk. Hăm Luơ̆t tơgŭm khôi luơ̆t, bơngai tang măt athei pơih să bơngai gơh yua, hơtŏk ‘lơ̆ng pơvih pơvăn, tơmơ̆t dơ̆ng grŭp ưh kơ đei hlôh vao. Dôm nơ̆r tơgop gô đei chih akŏm vă chih hơmet pơ ‘lơ̆ng luơ̆t.