Hop akŏm hlôi akŏm tơlĕch jang kơtang dôm tơdrong kăl đei ƀơm truh atŏk tơ iung mŭk drăm-tơpôl kơ tơring, mă kăl ‘noh tơdrong iung jang kiơ̆ Tơdrong tơchơ̆t Hop akom tih mă XIV kơ Đảng păng trong tơlĕch ăn tŏk mŭk drăm jăl jang 2026-2030, lăng truh sơ năm 2045. Rim kơdră tang măt jei đei mơ̆ng tơroi tơbăt găh tơdrong atŏk tơ iung mŭk drăm teh đak kiŏ Tơdrong tơchơ̆t kơsô̆ 79 kơ Hơnih tơm Chinh trĭ, atŭm hăm rim tơdrong hơmet pơ ‘lơ̆ng bơ̆ jang, atŏk tơ iung oei sa joh ayŏ-tơpôl. Iung pơma pơtôch, Bí thư Đảng dêh char Dak Lăk Lương Nguyễn Minh Triết athei rim kâp, hơnih jang tĕnh koăng tơlĕch jang kiơ̆ ‘lơ̆ng, pơm hơtŏk hơnăp jang kơ bơngai chĕp kơ̆l, drơ̆ng mĭnh nơ̆r tơlĕch jang rim tơdrong jang kiơ̆ nơ̆r pơrô̆ đơ̆ng Trung ương păng đơ̆ng dêh char.