Ƀôh hơdăh ‘noh jĭ tơdrong jang pơm Hnam kơmăy pơm tơlĕch cheh phe ŭnh hơyuh kơ Grŭp jang Trung Nguyên Legend hăm akŏm kơsô̆ jên tơmơ̆t jang dang 2.200 ti hlak jên. Tơdrong jang đei trong vă jang akŏm pơm tơlĕch cheh phe tih, iŏk yua kơmăy kơmŏk ‘nao, tơgop hơtŏk kơjă găr cheh phe Buôn Ma Thuột păng pơtrŭt hơtŏk tơiung kơmăy kơmŏk pơm tơlĕch jrŭ.

Đắk

Hơdai lơ̆m năr, tơ̆ Hơnih jang kơmăy kơmŏk Hòa Hiệp, 3 hnam kơmăy pơm tơlĕch hăm akŏm jên tơmơ̆t jang 770 ti hlak jên kŭm đei tơlĕch jang, ‘noh đei hnam kơmăy pơm tơlĕch tơmam sa tăh kơhôp, pơm tơlĕch phŏng păng tơmam rơ-moóc, tơmam gre tih. Tơdrong tơlĕch jang lơ tơdrong jang ưh khan lăp pơm tơdrong ‘lơ̆ng jang tŏk ‘nao mă oei tơƀôh hơdăh tơdrong hơiă đơ̆ng hơnih tơmơ̆t jên jang tơring, tơgop pơtrŭt tơplih ming mŭk drăm păng hơtŏk tơiung kơmăy kơmŏk kơjăp ‘lơ̆ng.