Tơdrong tơchơ̆t âu đei tơlĕch đơ̆ng rŏng lơ mĕ ƀă hŏk tro păng hŏk tro tơƀôh đon pơngơ̆t yoa hŏk tro đei điêm lơ ră mă lei oei ưh đei rơih mât hŏk kiơ̆ ‘meh vă 2. Kiơ̆ tơdrong tơchơ̆t ‘nao tơlĕch, Anih vei lăng pơtho pơhrăm dêh char Đắk Lắk tơlĕch dơ̆ng kơsô̆ athei rơih iŏk hŏk tro mât hŏk kiơ̆ ‘meh vă 1 ăn 4 hnam trưng đei: THPT Nguyễn Huệ, THPT Lê Quý Đôn, THPT Buôn Ma Thuột păng THPT Cư M'gar; atŭm hăm ‘nŏh athei iŏk thim 302 ‘nu hŏk tro mât hŏk kiơ̆ ‘meh vă 2 tơ̆ dôm hnam trưng THPT Hồng Đức, Chu Văn An, Nguyễn Trãi păng Lê Hữu Trác ‘măn ăn đe oh hŏk tro đei tôm tơdrong kăl gơ̆h mât hŏk, hăm kơsô̆ điêm rơih hŏk tôch rơđăh hăm rim grŭp bơngai.

 Yă Lê Thị Thanh Xuân, Kơdră Anih vei lăng pơtho pơhrăm dêh char Đắk Lắk ăn tơbăt, tơdrong rơih hŏk tro mât hŏk lăm 10 oei pơgơ̆r trŏ trong. Đơ̆ng rŏng kơ roi tơbăt điêm rơih, hŏk tro đei 3 năr vă pơm hla ar mât hŏk. Đơ̆ng rŏng kơ ‘năr 3/7, Anih vei lăng pơtho pơhrăm dêh char Đắk Lắk vă hơlen năng dơ̆ng kiơ̆ rim tơdrong tơ̆ yăn âu vă đei nơ̆r pơtho tơƀôh lăp ‘lơ̆ng.