‘Nâu jĭ trong jang vă hơmet pơ ‘lơ̆ng tơdrong tơhlăk găn trong hơlen năng anih jang đei tơmam, atŭm hăm ‘nŏh tơplih trong vei lăng hăm hla ar jing vei lăng ‘moi kiơ̆ kơsô̆ chih răk. Đắk Lắk dang ei đei hlŏh 410 kơsô̆ tơring pơtăm sầu riêng, xă dang 11.000 ha păng 73 anih tăh hơmet tơmam đei ƀơk ăn kơsô̆.

Kơplăh ‘nŏh, akŏm đĭ đăng teh pơtăm sầu riêng lơ̆m dêh char đei dang 44.000 ha, plei phĕ đei sơnăm 2026 pơhlom dang 500.000 tân. Tơdrong jang tơm đơ̆ng tơdrong jang ‘nâu ưh lăp vă sek tơlang trong pơm hla ar, chih hơdăh anih jang đei tơmam đech mă oei vă tơplih ming trong jang xa, vei lăng păng chă trong tĕch mơdro. Tơdrong chih pơjing kơsô̆ ‘măn răk gô tơgop chih hơdăh tơdrong choh jang xa, pơm lăp hăm nơ̆r athei vă tĕch tơ̆ teh đak đe, pơm hơtŏk kơsư̆k pơjei păng atŏk tơiung anih jang sầu riêng.