VOV4.bahnar - Vă hơmet ăn ‘măng pơlong păng hơlen tơmơ̆t hŏk lăm 10, Dơnŏ anĭh  vei lăng Hnam trương pơtho pơhrăm dêh char Dak Lăk athei rim hnam trương pơjing trong jang krao tơmơ̆t hŏk tro vă sơđơ̆ng ‘lơ̆ng lơ̆m pơtho pơhrăm.

Lơ̆m pơlei tơm Buôn Ma Thuột đei 14 hnam trương jăl pêng krao tơmơ̆t hok lăm 10. Lơ̆m au hnam trương jăl pêng Chuyên Nguyễn Du, Hnam trương jăl pêng tĕh đak rong ‘me Nơ Trang Lơng pơgơ̆r pơlong mơ̆t hŏk; hnam trương jăl pêng Thực hành Cao Nguyên găh Hnam trương Đại học Tây Nguyên păng 4 hnam trương kon pơlei pơjing (‘nŏh Phú Xuân; Victory; Hoàng Việt; Đông Du) krao tơmơ̆t kiơ̆ trong kơ dĭh. Rim hnam trương găh tĕh đak uơ oei hơlen kiơ̆ điêm hŏk pơhrăm lơ̆m jăl ƀar. Tơchĕng hơlau tơdrong krao tơmơ̆t hŏk lăm 10 tơ̆ Dak Lăk đei pơgơ̆r lơ̆m tŏk bŏk khei 6. Dơnŏ anĭh vei lăng hnam trương Dak lăk tơbăt: kơ yuơ jĭ hơbŭh Covid-19 pơrăm kơtang, sơnăm hŏk 2021-2022 gah lơ đe ŏh hŏk trư̆k tuyên kơna hơlen tơdrong hŏk gơ̆h kơ đe ŏh ‘nŏh jing tơdrong kăl hlŏh.

Tơblơ̆ nơ̆r: Amazưt