VOV4.Bahnar - Dơ nŏ anih vei lăng kon pơ lei dêh char Dak Lak oei pơ gơ̆r Khul chă rơih hla ar hŏk ăn rim jăl hŏk lơ̆m dêh char sơ năm hŏk 2022-2023. Mă lei, Anih vei lăng pơ tho pơ hrăm Dak Lak pơ ma hơ dăh, tơ drong chă rơih hla ar hŏk đơ̆ng dêh char Dak Lak sơ năm hŏk 2021-2022 păng sơ năm hŏk truh đei pơ gơ̆r tôch kơ jăp, tơ păt ‘lơ̆ng kiơ̆ tơ drong hơ găt. Dôm hnam trưng akhan: Tơ drong tơ plih ‘nao pơ tho hŏk pơ hrăm mă lei lăp chă rơih 1 truh 2 kơ sơ̆p hla ar hŏk đĕch ‘nŏh jĭ “kơ ƀinh ‘nao, hơ lăk so”.

Mĕ ƀă chă răt hla hŏk ăn kon tơ̆ Dak Lak

Găh anih vei lăng pơ tho pơ hrăm Dak Lak ăn tơ băt, tơ drong chă rơih hla ar hŏk đơ̆ng Dak Lak lăng kiơ̆ 3 grŭp hơ găt: Lăp hăm tơ drong jang mŭk drăm, tơ pôl tơ̆ tơ ring; lăp hăm tơ drong pơ gơ̆r pơ tho hŏk tơ̆ dôm hnam trưng phổ thông păng dôm tơ drong hơ găt nai hai. Kăn ƀô̆ thây kô vang jang lơ̆m Khul chă rơih hla ar hŏk ‘nŏh jĭ dôm bơ ngai pơ tho rơ gei, đei bưng ai. Lơ̆m Khul chă rơih hla ar hŏk kơ dêh char kŭm đei hla dôm bơ ngai truh đơ̆ng rim tơ ring; 15 apŭng, thĭ xăh, plt đei thây kô tang măt ngăl vă gơ̆h hơ tŏ ‘lơ̆ng, tơ păt, rơ đăh rơ đong.

Dơ̆ng: Tơ blơ̆