Lơ̆m dêh char Đắk Lắk dang ei đei hlŏh 9.500 ha dơnâu rong ka, ka hơdang iŏk đei hlŏh 33.000 tân 1 sơnăm. Lơ tơring tơter đak dơsĭ, ‘măng đak krong, dơnâu đak tih đei hơdrao rong ka lơ, pơm ‘mê̆ ‘mach đak rong, ƀơm ưh ‘lơ̆ng truh kơtu đak păng tơdrong rơgŏh ‘lơ̆ng cham char.

Kơsô̆ hơdrao rong ka hơdang roi tŏk, mă lei tơdrong tơproh trong jang, vei lăng cham char tơ̆ tơringrong oei tam mă lăp. Tơ̆ jơ bơ̆ jang, Bí thư Đảng dêh char Đắk Lắk athei dôm tơring jăh hơlen năng, tơproh hơmet trong jang ăn jơ̆p tơring rong ka. Ƀok pơma hơdăh, vă anih rong ka hơdang gơ̆h tŏk pran kơjăp, athei đei trong jang kiơ̆ kơmăy kơmŏk rong rơgŏh ‘lơ̆ng, ăn đak ro hơnơ̆ng păng chih hơdăh anih rong ka.