VOV4.Bahnar - Sơ năm hŏk 2021-2022, dêh char Dak Lak đei hloh 34.800 ‘nu hŏk tro lăm 12 gô vang pơ long tôt ngiêp jăl 3, găh lơ lơ̆m kơ sô̆ âu gô vang pơ long rơ̆ih iŏk dăh mă chih măt pơm hla ar set rơ̆ih vă mơ̆t lơ̆m dôm hnam trưng Đại học, Cao đẳng.

Hŏk tro lăm 12 tơ̆ apŭng  Krông  Pach, dêh char Dak Lak

Vă pơm tơ drong hiôk ‘lơ̆ng hloh ăn hŏk tro lăm 12 gơh băt tơ tĕnh hăm dôm tơ drong kơ tơ̆ng ang găh ‘măng rơ̆ih mơ̆t hŏk Đại học, Cao đẳng, Anih vei lăng găh pơ tho pơ hrăm Dak Lak hlôi athei rim hnam trưng hơ tŏk loi dơ̆ng jang hơ dai đơ̆ng thây kô vei lăng lăm hăm mĕ ƀă hŏk tro, hŏk tro ‘moi kiơ̆ lơ trong nhen: kơ tă, gơ̆ih tin nhăn, yua mạng tơ pôl zalo, Facebook …Kŭm hăm ‘noh, rim hnam trưng kăl kơ vei sơ đơ̆ng dôm tơ drong hiôk găh tơ mam kơ măy kơ mŏk vă tơ gŭm đe oh mưh pơm hla ar chih măt, tơ plih ‘meh vă mơ̆t lơ̆m dôm hnam trưng đơ̆ng rŏng kơ đei drơ̆ng ăn điểm tôt ngiêp.

Thuem: Tơ blơ̆