VOV4.Bahnar - Đơ̆ng blŭng sơ năm truh dang ei, tơ drong gre tơ̆m pơ̆k preh băl tơ̆ Dak Lak tơ jur dang ăi tơ̆ pơ đĭ 3 tơ drong hơ găt, ‘noh jĭ kơ sô̆ ‘măng gre tơ̆m pơ̆k preh băl kơ tang, kơ sô̆ bơ ngai lôch păng rơ ka. Mă hơ dăh ‘noh, lơ̆m hloh 8 khei âu ki lơ̆m dêh char Dak lak đei ƀôh 151 ‘măng gre tơ̆m pơ̆k preh băl kơ tang, pơm lôch 112 ‘nu, rơ ka 76 ‘nu. Pơ têng hăm khei ‘nâu sơ năm sơ̆ jur 9 ‘măng, 11 ‘nu lôch păng 35 ‘nu rơ ka. Anih jang kơ pal dêh char ‘nâu tŏk bŏk tŭn pran dôm trong jang vă pơ vei jơ nei iŏk đei, mă loi ‘noh jĭ khei ‘năr hơ drol, lơ̆m păng đơ̆ng rŏng năr pơ dơh lêh Quốc khánh 2/9.

Tơ drong gre tơ̆m preh băl tơ̆ Dak lak lơ̆m hloh 8 khei sơ năm 2022 jur dang ăi tơ̆ pơ đĭ 3 tơ drong hơ găt

Ƀok Bùi Văn Ngọc – Chánh Văn Phòng Anih vei lăng sơ đơ̆ng trong nơ năm dêh char Dak Lak tơ băt, Anih vei lăng sơ đơ̆ng trong nơ năm Dak Lak hlôi jang tơ gŭm ăn Anih vei lăng kon pơ lei dêh char athei rim khŭl jang nhen: Dăr hơ len trong nơ năm, kanh sat vei lăng trong nơ năm, kanh sat vei lăng tơ drong sơ đơ̆ng... hơ tŏk loi dơ̆ng tơ drong jang dăr joang, vei lăng, phak tơ păt dôm bơ ngai pơm glăi trong nơ năm; tŭn pran tơ roi tơ băt truh rim răih kon pơ lei, mă loi ‘noh jĭ lơ̆m dôm hnam trưng hŏk vă kon pơ lei pơm kiơ̆ tơ păt Luơ̆t trong nơ năm.

Thuem: Tơ blơ̆