VOV4.Bahnar - Yak mơ̆t lơ̆m pơ yan ‘mi tih sơ năm ‘nâu, kŭm hăm tơ drong hơ nơ̆ng hơ len lăng, vei lăng trong tơ ley ŭnh điên, Kŏng ti jang găh ŭnh điên Dak Lak hlôi hơ met ăn tôm bơ̆n tơ mam, kơ măy kơ mŏk răk hiă vă tang găn ‘mi kial pơ răm.

Hơ met pơ ‘lơ̆ng trong tơ ley trung áp yua đơ̆ng xem kôp lơ̆m ŭnh điên

Anih jang kŭm hlôi hơ met tôm khŭl tang găn ‘mi kial pơ răm, tơ chă dŏng sar bar, tơ tĕnh hơ met ‘lơ̆ng mưh đei ƀôh dôm tơ drong truh găh ŭnh điên. Mă kăl ‘noh tơ̆ tơ ring dôm apŭng Ea Kar, M’Đrắk, Krông Bông dôm tơ ring hơ nơ̆ng chih iŏk dôm tơ drong truh găh ŭnh điên, dôm anih jang hlôi hơ tŏk loi dơ̆ng yua flycam, camera hơ yuh vă hơ len lăng trong tơ ley, tơ mam pơ tŏ, hơ len lăng, vei lăng tơ mam tơ jră klăih tăih hơ gei; chong pơ ‘ngoăih  jih trong ŭnh điên...

Anih jang ŭnh điên Ea Kar koh hơ leh ‘long đơ̆ng rŏng kơ ‘mi kial hơ bŭt đei hơ mơt kơ tơ gơ̆ lơ̆m trong tơ ley

Hơ dai hăm bơ̆ jang kiơ̆ dôm trong jang tang găn sem tơ rong mơ̆t lơ̆m tơ ley ŭnh điên pơm ăn sar bar, vei sơ đơ̆ng pơ truh ŭnh điên hơ nơ̆ng.

Thuem: Tơ blơ̆