Kiơ̆ tơroi, tơdrong jang kŏng ngĭp, tơdrong jang tĕch mơdro kơ Đăk Lăk lơ̆m 2 khei blŭng sơnăm pơtoi tŏk kơtang. Tơmam tĕch ăn teh đak đe đei truh 218 triu đôlar, tŏk 5%. Tơmang pơhiơ̆ đei hơtŏk kơtang hăm pơhlom 1,2 triu 'nu tơmoi truh tơmang, tŏk hloh 2 'măng pơtêng hăm khei năr ou sơnăm sơ̆. Tơmơ̆t lơ̆m jên mong teh đak lơ̆m 2 khei đei jê̆ 3.800 tih hlj.

Tơdrong jang kơ dôm hơnih jang mŭk drăm adoi ƀôh hơtŏk tơ-iung hăm 236 hơnih jang mŭk drăm 'nao, jên asong jang đei chih măt jê̆ 2.860 tih hlj. Kiơ̆ đe kơdră kơpal dêh char Đăk Lăk, lơ tơdrong jang pơtoi tŏk truh 2 kơsô̆ đơ̆ng blŭng sơnăm, pơjing tơdrong tơm vă jang keh đang thoi tơchơ̆t tơlĕch hơtŏk tơ-iung.