VOV4.Bahnar - Công ty jang unh điên Dak Nông oei tơ lĕch lơ tơ drong jang chô̆ unh điên tơ̆ tơ ring tơ rang, adrin vă đĭ đăng xăh jang kĕh tơ drong hơ găt kơ sô̆ 4 găh unh điên tơ̆ tơ ring tơ rang ‘nao păng đĭ đăng unh hnam đei yoa unh điên sơ đơ̆ng ‘lơ̆ng. Sơ năm 2022, anih jang unh điên Dak Nông vei lăng, tơ mât jên jang ăn 53 tơ drong jang ming man, 22 tơ drong jang hơ met ming tih, hăm kơ sô̆ jên bơ̆ jang hlŏh 150 ti.

PC Dak Nông hơ met pơ ‘lơ̆ng tơ lei unh điên tơ̆ tơ ring tơ rang

Kŭm hăm tơ mât jên jang chô̆ unh điên, công ty oei hơ nơ̆ng hơ tŏk tơ drong jang chô̆ tơ lei unh điên hạ áp tơ̆ tơ ring ăn dôm khul grŭp tơ̆ tơ ring. Anih jang hlôi sơng iŏk 6 HTX pơ vih găh unh điên hăm hlŏh 120km tơ lei unh điên, 9 kơ măy biên ap, hơ met pơ ‘lơ̆ng unh điên ăn hlŏh 17.000 unh hnam kon pơ lei. Mă đơ̆ng tơ ring tĕh ưh kơ ‘lơ̆ng, truh dang ei đĭ đăng pơ lei pơ la tơ̆ Dak Nông đei unh điên pơ yoa ăn tơ drong choh jang xa păng arih xa ngăl, kơ sô̆ hnam đei yoa unh điên hlŏh 99%. Kŭm hăm tơ drong tơ mât jên ming mna, hơ met pơ ‘lơ̆ng tơ lei unh điên, Anih jang jang điên Dak Nông oei năng kăl truh tơ drong hơ tŏk trong pơ vih pơ văn, pơm hla ar ƀônh, iŏk yoa kơ măy kơ mŏk ‘nao vă pơ vih ăn kon pơ lei roi đunh roi ‘lơ̆ng.

Dơ̆ng: Tơ blơ̆