VOV4. Bahnar - Akŏm tơ iung pơjing, hơmet pơ ‘lơ̆ng ŭnh hơyŭh tơring chŏh jang sa ‘nŏh mĭnh lơ̆m dôm trong tơlĕch jang hơdrol hlŏh vă tơgŭm ăn atok tơ iung mŭk drăm-tơpôl tơ̆ dêh char Dak Nông. Dang ei dêh char tŏk bŏk iung jang kơtang pơm keh đang tơdrong vă jang Pơtrŭh ŭnh hơyŭh tơ̆ pơlei pơla đơ̆ng ŭnh hơyŭh tĕh đak, hăm kon jên jang hlŏh 710 ti hlak jên, pơtrŭh ăn 15.000 unh hnam kon pơlei.

Dak Nông sơđơ̆ng ŭnh hơyŭh tơgŭm atŏk tơ iung mŭk drăm-tơpôl

Ƀok Nguyễn Ngọc Ánh, Kơdră chĕp pơgơ̆r Kŏng ty ŭnh hơyŭh Dak Nông tơbăt, vă rim tơdrong jang đei tơlĕch jang tĕnh koăng, Kŏng ty hlôi tơlĕch jang hơdăh, rim hơnĭh akŏm bơngai, gre, kmăi kmŏk iung jang. Vă pơjing đei kon pơlei lui kiơ̆, hơnĭh au iung jang ‘lơ̆ng vei lăng ŭnh hơyŭh, pơtrŭh sơđơ̆ng ăn atŏk tơ iung muk drăm-tơpôl, tơgop atŏk erĭh sa sơđơ̆ng ăn kon pơlei.

Tơblơ̆ nơ̆r: Amazưt