‘Năr 18/11, tơ̆ lêh tơbăt 40 sơnăm năr Thây kô Việt Nam, pôk pơ ư rim bơngai, khul grŭp thây kô pơtho rơgei tơ̆ Dak Nông, kơdră chĕp kơ̆l dêh char Dak Nông pơma hơdăh: dêh char vă hơnơ̆ng tơ mât jên lơ hlŏh dơ̆ng ăn tơdrong pơtho, hŏk pơhrăm, jô̆ hloi găh tơmam drăm păng jơhngâm đon, tơgŭm ăn đe thây kô tŏk klăih đơ̆ng mơmat tat vă jang kĕh hơnăp jang pơtho ăn kon bơngai.

Ƀlep ƀât tơbăt Năr Thây kô Việt Nam, kơdră chĕp kơ̆l dêh char Dak Nông hơpăh tơmam, bơnê kơ đe kăn ƀô̆, thây kô đĭ pơdơ̆h hưu bơih, đe thây kô rơgei; hơpăh ƀăng khen ăn 35 ‘nu thây kô păng dôm khul grŭp rơgei, đei lơ tơdrong tơgop ăn tơdrong pơtho pơhrăm tơ̆ tơring. Pơ ma nơ̆r hơ iă lơ̆m lêh tơbăt, ƀok Hồ Văn Mười, Kơdră vei lăng kon pơlei dêh char Dak Nông, akhan, ƀât mă mŭk drăm, tơ pôl kơ dêh char oei lơ mơmat tat, mă lei anih pơtho pơhrăm oei hơnơ̆ng tơ plih ‘nao tơdrong vei lăng, tơ plih ‘nao trong pơ tho hŏk pơhrăm, bơ̆ jang đei yoa ‘lơ̆ng dôm tơdrong hơgăt, tơdrong jang vang tơgop ăn tơdrong jơnei, jang tŏk atŭm đơ̆ng dêh char.