VOV4.Bahnar - Trŭh dang ei, Kŏng ty ŭnh hơyŭh Dak Nông hlôi ming hơmet đang, rim tơlei kap hơtol pơ ‘nhuêng mơ ‘nhang tơ̆ jrăng ŭnh hơyŭh hơmơt tơt păng măt lăng ư̆h kơ ‘lơ̆ng tơring kơdrơ̆m jăl jang 2020-2022 kiơ̆ Trong pơprŏ jang kơsô̆ 45 sơnăm 2020 kơ Dơnŏ anĭh vei lăng Kơtơ̆ng ang păng pơre nơ̆r Dak Nông.

Dak Nông hơmet ming cáp viễn thông

Kiơ̆ kơ ‘nŏh, rim hơnĭh jang ŭnh hơyŭh Dak Nông hlôi yăih hŭt dôm tơlei kơtĕch pă iŏk yua, chô̆ hơmet pơ ‘lơ̆ng dôm tơlei kap, hiot dăng tơtăng tơlei rơdu, tơƀăk kơthe tơbăt hơdăh tơlei viễn thông đei hlŏh 120km tơ̆ rim trong kơphô̆, rim apŭng păng pơlei tơm Gia Nghĩa. Đei băt, kon jên ming hơmet au tơ̆ rim jrăng ŭnh hơyŭh tơ̆ Dak Nông lơ̆m 3 sơnăm au ki ‘nŏh hlŏh 6 ti 900 trĭu hlak jên.

VOV Tây Nguyên/Amazưt tơblơ̆ nơ̆r