VOV4.Bahnar - Vă veh ver đei tơdrong kơnê̆ găh ŭnh hơyŭh, mă kăl lơ̆m pơyan ‘mi, rim hơnĭh jang kăl ŭnh hơyŭh Dak Nông iung jang hơdoi hăm kơdră tơring, rim hơnĭh jang pơgơ̆r lơ ‘măng pơtho tơbăt iŏk yua ŭnh hơyŭh sơđơ̆ng.

Kŏng nhân PC Dak  Nông ƀơk hla bơar pơtho tơbăt sơđơ̆ng ŭnh hơyŭh

Tơ̆ rim jơ pơtho tơbăt, kon pơlei đei mơ̆ng kơtơ̆ng tơbăt hơdăh găh tơdronbg hơmơt, tơbăt hơdăh iŏk yua ŭnh hơyŭh ‘lơ̆ng hơ iă vă pơm dă ƀiơ̆ đei tơdrong sar bar kơ yuơ ŭnh hơyŭh hrip au to. Hnam kmăi ŭnh hơyŭh jei iung jang hơdoi hăm khŭl kơdră tơring chă hơvơn kon pơlei kŏh chre sơdrai ‘long, kŏh ‘long hăm dôm dơnơm hơmơt kơ păk, ư̆h pơtăm ‘long tơ̆ hơla tơlei ŭnh hơyŭh. Dơnŏ anĭh jang ŭnh hơyŭh hlôi ƀơk ăn hlŏh 1.000 hlak hla bơar pơtho tơbăt găh sơđơ̆ng ŭnh hơyŭh ăn kon pơlei. Atŭh hăm atŏk kơtang pơtho tơbăt, hnam kmăi ŭnh hơyŭh Dak Nông oei lăng kơ jăp tơmơ̆t jên jang ming hơmet pơ ‘lơ̆ng ŭnh hơyŭh, mă kăl tơlei ŭnh hơyŭh tơ̆ pơlei pơla. 

Tơblơ̆ nơ̆r: Amazưt