VOV4.Bahnar - Mư̆h tơlĕch rim tơdrong jang ŭnh hơyŭh kial, rim hơnĭh mơdro sa tơ̆ Dak Nông pơkăp gô vang tơgop hơ iă ăn hơnĭh mong jên bơ̆ jang tơring. Mă lei dêh char măh lao đon mư̆h thuê̆ ăn hơnĭh mong jên bơ̆ jang dang ei lăp iŏk đei tŏ sĕt sot pơtêng hăm tơdra hơdrol.

Thuê̆ ăn hơnĭh mong jên bơ̆ jang đơ̆ng ŭnh hơyŭh kial 8 khei au ki tơ̆ Dak Nông lăp iok đei 18 ti hlak jên

Kiơ̆ đơ̆ng Dơnŏ anĭh thuê̆ dêh char Dak Nông, 8 khei au ki, iŏk thuê̆ đơ̆ng rim tơdrong vă jang ŭnh hơyŭh kial lơ̆m dêh char iŏk đei 18 ti hlak jên, lăp hơtŏ 6% pơtêng hăm kơsô̆ hlŏh 300 ti hlak jên lơ̆m sơnăm mă dêh char tơdra hơdrol iŏk đei mư̆h kĭ tơchơ̆t 6 tơdrong vă jang hăm akŏp đei pran 430MW lơ̆m jăl sơnăm 2019-2021. Tơblang hơdăh tơdrong au, Dơnŏ anĭh bơ̆ jang vei lăng Jên hu dêh char Dak Nông tơbăt, lơ̆m 6 tơdrong jang pơm ŭnh hơyŭh kial đei tơlĕch jang lơ̆m dêh char, lăp đei 1 tơdrong vă jang đei pran 50MW tom pơm keh đang păng tĕch tơlĕch đei ŭnh hơyŭh hơdrol năr 31/10/2021. Dôm tơdrong vă jang uơ oei ư̆h kơ tom ming man, tơgoăt tơlĕi ŭnh hơyŭh. Tơdrong rim tơdrong vă jang ŭnh hơyŭh kial hiơ hiơ̆ tơmơ̆t jang pơm kơnê̆ kơtang trŭh tơdrong thuê̆ ăn hơnĭh mong jên bơ̆ jang mă dêh char tơdra hơdrol.

Tơblơ̆ nơ̆r: Amazưt