VOV4.Bahnar - Pơ gê ‘năr 6/7, tơ̆ Hop akŏm ‘măng mă 8, Anih chĕp kơ̆l pơ gơ̆r Đảng bộ dêh char Dak Nông jăl XII, jăl jang 2020-2025, Khŭl chĕp kơ̆l pơ gơ̆r Anih jang Đảng dêh char hlôi tơ băt hơ dăh tơ drong tơ chơ̆t pơ jing Anih pơ gơ̆r jang tang găn sa pơ gơ̆m pơ jĭp dêh char Dak Nông. Anih pơ gơ̆r jang tang găn sa pơ gơ̆m pơ jĭp dêh char Dak Nông ‘noh đei 15 ‘nu jang lơ̆m khŭl, đei: 1 kơ dră chĕp kơ̆l, 5 phŏ kơ dră păng 9 ‘nu jang lơ̆m khŭl.

Ƀok Ngô Thanh Danh-Kơ dră Anih pơ gơ̆r jang tang găn sa pơ gơ̆m pơ jĭp dêh char Dak Nông

Ƀok Ngô Thanh Danh, Bí thư Anih jang Đảng dêh char, Kơ dră Khŭl tang măt Kuôk hô̆i dêh char pơm kơ dră Anih pơ gơ̆r jang tang găn sa pơ gơ̆m pơ jĭp dêh char Dak Nông. Tơ drong jang, hơ năp jang, tơ drong gơh jang, pơ gơ̆r khŭl jang, trong bơ̆ jang, tơ drong pơ vei tơ drong jang đơ̆ng Anih pơ gơ̆r jang tang găh sa pơ gơ̆m pơ jĭp dêh char bơ̆ jang kiơ̆ tơ drong hơ găt đơ̆ng  Ban Bí thư Trung ương Đảng păng hơ găt đơ̆ng Khŭl kơ dră chĕp kơ̆l pơ gơ̆r Anih jang Đảng dêh char.

Thuem: Tơ blơ̆