VOV4.Bahnar - 3 triu tơ nơm ‘long gô đei dêh char Dak Nông pơ gơ̆r pơ tăm tơ̆ dôm trong glung, dôm tơ ring kơ drâm păng tĕh bri hŏh tơ ter trong gre ƀlep ƀât tơ băt 132 sơ năm năr rơ nĕh Ƀok Hô. Kiơ̆ nơ̆r tơ roi đei Kơ dră vei lăng kon pơ lei dêh char Dak Nông pơ ma tơ lĕch lơ̆m hop akŏm ‘năr 17/5 găh tơ drong joh hơ ri tơ băt 132 sơ năm năr rơ nĕh Ƀok Hô păng lêh tơ lĕch jang “Têt pơ tăm ‘long rim jơ hnơr Ƀlŏk hơ dơ̆r kơ Ƀok Hô”.

Lơ̆m 3 triu tơm ‘long đei dêh char Dak Nông pơ gơ̆r pơ tăm ‘măng mă âu, đei dang 1 triu tơm ‘long hơ ngo 3 hlak hla vă pơ tăm tơ ter trong gre 14 păng 28

Lơ̆m 3 triu tơ nơm ‘long đei dêh char Dak Nông vă pơ tăm âu, đei dang 1 triu tơ nơm ‘long hơ ngo 3 hlak hla vă pơ tăm tơ̆ tơ ter trong gre 14 păng 28, tơ̆ dôm anih cham char đei đe kŏh phă, tơ gar iŏk tĕh. Hơ drô̆ ƀât lêh tơ lĕch pơ gê ‘năr 19/5, kŭm hăm đoàn viên, druh dăm, kăn ƀô̆, bơ ngai jang tơ̆ dôm anih jang kơ tĕh đak, dêh char oei krao akŏm hlŏh 3.250 ‘nu kăn ƀô̆, khul linh vang pơ tăm tơ̆ dôm anih đei đe kŏh phă bri ‘long dêh tơ ter trong gre 14 păng 28.

Dơ̆ng: Tơ blơ̆